Jan Pavieł II budzie kananizavany
05.07.2013 / 15:13
Papa Francišak paćvierdziŭ fakt ździajśnieńnia Janam Paŭłam II druhoha cudu, što zdymaje hałoŭnuju pieraškodu dla jaho kananizacyi. Akramia taho, pantyfik ŭchvaliŭ dałučeńnie jašče adnaho papy — Jana XXIII — da liku śviatych.
Raniej ździajśnieńnie druhoha cudu paćvierdziła Kanhrehacyja pa kananizacyi śviatych. Paviedamlajecca, što 1 maja 2011 hoda dziakujučy papu Janu Paŭłu II adbyłosia «nievytłumačalnaje vylačeńnie», inšych padrabiaznaściaŭ pakul niama. Pry hetym sam pantyfik pamior za šeść hadoŭ da hetaj padziei.
Jan Pavieł II ŭžo dałučany da liku błasłaŭlonych, dla hetaha było nieabchodna paćvierdzić ździajśnieńnie adnaho cudu. Im stała vylačeńnie pantyfikam francuzskaj manaški ad chvaroby Parkinsana.
Jan XXIII, viadomy jak «Dobry Papa», taksama budzie kananizavany — u jakaści vyklučeńnia, niahledziačy na adsutnaść paćvierdžanaha druhoha cudu.