Пяць чалавек пацярпелі на Купаллі ў Пушкіна ў Бабры
08.07.2013 / 12:47
Гэта здарылася ў мястэчку Бобр Мінскай вобласці. Вядомы мастак Алесь Пушкін кожны год праводзіць там Купалле ў нацыянальным духу на беразе аднайменнай ракі. Свята збірае дзясяткі гасцей з Мінска, у тым ліку вядомых дзеячаў інтэлігенцыі.
Сёлета свята азмрочыў трагічны выпадак. Калі гаспадар рыхтаваў крупнік, успыхнула гарэлка, якую ён заліваў у кацёл. У выніку пяць чалавек атрымалі апёкі.
У Крупскім раёне бальніцу даставілі двух хлопцаў і трое дзяўчат. Мужчын выпісалі пасля аказання першай дапамогі. Дзяўчаты ж застаюцца ў бальніцы. Двое з іх знаходзяцца ў рэанімацыі, а адна — у хірургічным аддзяленні.