Chju Hrant: Žyvie Biełaruś!
Viadomy brytanski akcior padtrymaŭ biełaruskich palitviaźniaŭ.
08.07.2013 / 20:11
Chju Hrant z Andrejem Sańnikavym.
«Ja chaču vykazać svaju padtrymku biełaruskamu narodu, jaki viadzie baraćbu suprać apošniaj represiŭnaj dyktatury Jeŭropy. Ja padzialaju nadziei ŭsich ludziej na Zachadzie na toje, što Biełaruś u chutkim časie stanie svabodnaj krainaj. Chacieŭ by vykazać asablivuju padtrymku tym advažnym biełarusam, jakija zmahajucca suprać pryhniotu i kinutyja ŭ turmy za svaje pierakanańni — takim, jak Źmicier Daškievič, Mikałaj Statkievič, Aleś Bialacki, Mikałaj Aŭtuchovič, Ihar Alinievič i inšyja. Ja chaču, kab biełarusy, jakija viaduć baraćbu za svabodu, viedali, što ŭvieś śviet prajaŭlaje šyrokuju salidarnaść ź imi. Žyvie Biełaruś!», — zajaviŭ Chju Hrant, piša charter97.org.
Słovy padtrymki biełarusam, jakija znachodziacca ŭ turmach za svaje pierakanańni, zorka brytanskaha kiniematohrafa Chju Hrant pieradaŭ praź lidara hramadzianskaj kampanii «Jeŭrapiejskaja Biełaruś», kandydata ŭ prezidenty na vybarach 2010 hoda Andreja Sańnikava.
Sustreča brytanskaha akciora ź lidaram biełaruskaj apazicyi adbyłasia na dniach u Łondanie.