Pamior bard, hramadski aktyvist Ihar Simbiroŭ. Jamu było 40 hadoŭ
12.07.2013 / 21:15
12 lipienia a 12:30 pamior bard i hramadski aktyvist Ihar Simbiroŭ.
Ihar Simbiroŭ byŭ asudžany za ŭdzieł akcyi pratestu 19 śniežnia 2010 hodu. Paśla Płoščy Ihar doŭhi čas damahaŭsia ad KDB, kab jany viarnuli jamu kanfiskavanyja rečy, u tymi liku hitaru i dziońnik.
Ihar Simbiroŭ žyŭ u Asipovičach, naradziŭsia ŭ 1972 h.
Paśla škoły pastupiŭ u Dnieprapiatroŭskuju teatralnuju vučelniu na lalečnaje adździaleńnie.
U pieršyja dni vučoby razam ź siabram, paetam i muzykantam Vadzimam Kuryłkam stvaryŭ hurt «Oskołki sna», dzie adyhraŭ na bas-hitary 10 hadoŭ. Śpiavali pa-ŭkrainsku, pa-rasiejsku i pa-anhlijsku.
Paśla zakančeńnia teatralnaj vučelni pracavaŭ u Dnieprapiatroŭskim lalečnym teatry, na telebačańni, pradavaŭ śviacilniki jeŭrapiejskich vytvorcaŭ.
U 1998 h. viartajecca ŭ Biełaruś.
Z 1999 h. aktyŭna ŭdzielničaje ŭ demakratyčnym ruchu, za što nieadnarazova pryciahvaŭsia da administracyjnaj adkaznaści i byvaŭ zvolnieny z pracy.
Vydavaŭ hazietu «Asipovickaja panarama». Byŭ aktyvistam kampanii «Havary praŭdu». Aktyŭna vystupaŭ z solnymi kancertami.