Łukašenka: Pravasłaŭnaja carkva dapamahaje zachoŭvać stabilnaść u hramadstvie
29.07.2013 / 9:44
Alaksandr Łukašenka pavinšavaŭ pravasłaŭnych chryścijan Biełarusi z1025-hodździem Chryščeńnia Rusi.
«Pryniaćcie chryścijanstva było dla ŭschodnich słavian žyvatvornaj krynicaj, vyznačyła raźvićcio dziaržaŭnaści, nacyjanalnych kultur, navuki i adukacyi, — havorycca ŭ vinšavańni. — Va ŭsie časy Carkva słužyła źviestunom nadziei, prapaviedavała lepšyja tradycyi miłasernaści, pracavitaści i addanaści Radzimie. I siońnia jaje aŭtarytet i dośvied zapatrabavany ŭ hramadstvie. Pravasłaŭnaja carkva napaŭniaje žyćcio mudraściu i luboŭju, dapamahaje zachoŭvać stabilnaść i zhodu ŭ našym biełaruskim domie».
«Jubilej, jaki šyroka adznačajecca ŭ Biełarusi, Rasii i Ukrainie, dazvalaje hłybiej adčuć siłu viery, značnaść suviazi pakaleńniaŭ i adčuć duchoŭnaje adzinstva brackich narodaŭ. Pierakanany, što na novym etapie histaryčnaha byćcia Pravasłaŭnaja carkva budzie praciahvać słužeńnie, hurtujučy ludziej i zastajučysia viernaj svajmu abaviazku pierad Boham i Ajčynaj», — adznačyŭ Łukašenka.