Škarpetki z sandalami pryznali hałoŭnym modnym nieparazumieńniem usich časoŭ
31.07.2013 / 14:43
Spałučeńnie škarpetak i sandalaŭ było pryznana hałoŭnym nieparazumieńniem u harderobie usich časoŭ. Pra heta śviedčać vyniki apytańnia, praviedzienaha sietkaj brytanskich supiermarkietaŭ Debenhams. Kolki mienavita adsotkaŭ respandentaŭ nazvali škarpetki z sandalami hałoŭnym modnym pravałam, nie ŭdakładniajecca.
Kamientujučy vyniki apytańnia, pradstaŭnik univiermahaŭ zajaviŭ, što niahledziačy na toje, što nie tak daŭno škarpetki i sandali apynulisia na modnych podyumach (nie tak daŭno niekalki modnych damoŭ, u tym liku Christian Dior i Chanel uklučyli hety ansambl u svaje kalekcyi), ludziam heta spałučeńnie ŭsio roŭna nie padabajecca.
«Być moža, jany dobra hladziacca na modnym pakazie, ale nie ŭ žyćci», — zajaviŭ jon.
Druhoje miesca ŭ antytopie zaniali mužčynskija čaraviki na płatformie, a treciaje — zanadta nizka spuščanyja ź linii talii štany.