Taćcianu Raviaku i Uładzimira Łabkoviča adpuścili — milicyjanty skłali pratakoły z pamyłkami
05.08.2013 / 17:45
Taćciana Raviaka razdavała paštoŭki z vyjavaj A. Bialackaha © Fota Siarhieja Zinina.
Razhledzieŭšy administracyjny pratakoł, składzieny milicyjaj u dačynieńni da pravaabaroncy Taćciany Raviaki, suddzia suda Savieckaha rajona stalicy Maryna Fiodarava adpraviła jaho na dapracoŭku. Raviaka vyzvalena z-pad varty i ŭžo pakinuła budynak suda, paviedamiła BiełaPAN jaje kaleha Nasta Łojka.
Administracyjnuju spravu jašče adnaho zatrymanaha pravaabaroncy — Uładzimira Łabkoviča — razhladaŭ hetym ža sudzie suddzia Dźmitryj Paŭlučenka. Jak i vypadku z Raviakaj, suddzia adpraviŭ pratakoł na dapracoŭku. Łabkoviča vyzvalili.
Nahadajem, Raviaka i Łabkovič byli zatrymanyja siońnia apoŭdni kala CUMa padčas akcyi salidarnaści sa svaje asudžanym kaleham Alesiem Bialackim i inšymi palitviaźniami Biełarusi. Ich dastavili ŭ RUUS Savieckaha rajona Minska i skłali pratakoły ab ździajśnieńni supraćpraŭnych dziejańniaŭ pa artykule 23.34 Kodeksa ab administracyjnych pravaparušeńniach (parušeńnie paradku arhanizacyi abo praviadzieńnia masavych mierapryjemstvaŭ).
U sudzie vyśvietliłasia, što pratakoł u dačynieńni da Taćciany Raviaka składzieny z pamyłkami.