Abama zaklikaŭ amierykancaŭ padtrymać udar pa Siryi
07.09.2013 / 19:07
U štotydniovym radyjozvarocie da nacyi prezident ZŠA Barak Abama zaklikaŭ amierykancaŭ padtrymać vajennuju apieracyju ŭ Siryi ŭ adkaz na vykarystańnie tam chimičnaj zbroi.
Jon taksama źviarnuŭsia da ŭsich členaŭ Kanhresu, jakija na nastupnym tydni źbiarucca dla hałasavańnia pa hetym pytańni.
Abama patłumačyŭ, što nielha nie reahavać na vykarystańnie chimičnaj zbroi — inakš ryzyka jaje prymianieńnia ŭ budučyni šmatkroć uzraście i tym samym budzie pastaŭlena pad pahrozu nacyjanalnaja biaśpieka ZŠA.
«Ja viedaju, što amierykancy stamilisia ad dziesiacihodździa vajny, choć vajna ŭ Iraku zavieršanaja, a vajna ŭ Afhanistanie nabližajecca da kanca.
Tamu my nie źbirajemsia ŭmiešvacca ŭ niečyju čužuju vajnu. Ale my — Złučanyja Štaty Amieryki. My nie možam zapluščvać vočy na toje, što adbyvajecca ŭ Siryi», — zajaviŭ prezident.
Pavodle sacyjałahičnaha apytańnia Gallup, ciapier tolki 36% amierykancaŭ padtrymlivajuć namier amierykanskich uładaŭ pravieści vajennuju apieracyju ŭ Siryi, a 51% žycharoŭ ZŠA — suprać vajennaha ŭmiašańnia ŭ siryjski kanflikt.