Raśsielhasnahlad vyjaviŭ parušeńni pry ŭvozie miasa-małočnaj pradukcyi z Biełarusi

09.09.2013 / 15:33

Fiederalnaja słužba pa vieterynarnym i fitasanitarnym nahladzie (Raśsielhasnahlad) vyjaviła parušeńni pry ŭvozie miasa-małočnaj pradukcyi ź Biełarusi ŭ Rasiju, paviedamiła pres-słužba nahladnaha viedamstva.

Tak, u Branskaj i Smalenskaj abłaściach vyjaŭleny dźvie partyi małočnaj pradukcyi ahulnaj vahoj kala 17 t i piać partyj hatovaj miasnoj pradukcyi ahulnaj vahoj kala 3 t, uviezienych ź Biełarusi bieź vieterynarnych supravadžalnych dakumientaŭ i z parušeńniem umoŭ transparciroŭki. Taksama vyjaŭlena partyja achałodžanaj jałavičyny ahulnaj vahoj bolš čym 15 t, jakaja pieravoziłasia z parušeńniami vieterynarna-sanitarnych patrabavańniaŭ u častcy klajmieńnia miasa. Niebiaśpiečnyja pradukcyja viernuta na terytoryju Biełarusi.

Raśsielhasnahlad nahadvaje, što z 3 vieraśnia ŭviedzieny časovyja abmiežavańni na pastaŭki ź Biełarusi śviniej, ich hienietyčnaha materyjału, śvinavodčaj pradukcyi i karmoŭ, jakija nie prajšli termičnuju apracoŭku. U suviazi z hetym upraŭleńniem Raśsielhasnahladu pa Branskaj i Smalenskaj abłaściach arhanizavany rejdavyja mierapryjemstvy u sumiežnych ź Biełaruśsiu rajonach pa kantroli za pradukcyjaj, jakaja ŭvozicca.