U Hłusku źnikła maładaja mama z trochmiesiačnaj dačkoj

13.09.2013 / 12:40

U haradskim pasiołku Hłusk Mahiloŭskaj vobłaści źnikła maładaja žančyna z trochmiesiačnaj dačkoj, paviedamili va UUS Mahiloŭskaha abłvykankama.

Pavodle źviestak milicyi, 7 vieraśnia kala 20.00 Poju Taćciana Jaŭhienaŭna (02.10.1982) pajšła sa svajho doma pa vulicy Łuhavoj, 31 u Hłusku razam z dačkoj Poju Alinaj Alaksandraŭnaj (07.06.2013) i nie viarnułasia. Žančyna znachodzicca ŭ dekretnym adpačynku i časova nie pracuje. Miescaznachodžańnie mamy i jaje dački da hetaha času nie viadoma.

Pa prykmietach žančynie na vyhlad 25–30 hadoŭ, rost kala 170–175 sm, chudarlavaha ciełaskładu, vałasy ciomnyja siaredniaj daŭžyni.

«Hramadzian, jakim što-niebudź viadoma pra los Poju T.Ja. i jaje dački, a taksama majuć infarmacyju ab ich miescaznachodžańni, pierakanaŭčaja prośba paviedamić va Upraŭleńnie kryminalnaha vyšuku UUS Mahiloŭskaha abłvykankama pa telefonach: 295 555, 295 509 abo ŭ najbližejšy adździeł milicyi pa telefonie 102», — adznačyli ŭ abłasnym UUS.

BiełTA