Bieł-čyrvona-bieły sport
U apošnija hady možna zaŭvažyć jak na biełaruskim aŭkcyjonie ay.by narastaje cikavaść da značkoŭ, cešak i inšaj atrybutyki z Pahoniaj i bčb-ściaham.
17.09.2013 / 01:39
Hetym navat karystajucca niekatoryja pradaŭcy, šmatkroć zavyšajučy ceny. Zrešty, dziakujučy łotam i internetu my majem mahčymaść pabačyć atrybutyku tych časoŭ sa staradaŭnimi biełaruskimi simvałami.
Adznaka «zasłužany trenier» jašče niadaŭna pradavałasia za 40 dalaraŭ. A značok majstar sportu — za 20. Ciapier ža zasłužany trenier kaštuje 110 dalaraŭ. Bieł-čyrvona-bieły majstar sportu — 100.
Suddzi najvyšejšaj i nacyjanalnaj katehoryi pradajucca ciapier pa 55 dalaraŭ nasupierak raniejšym 25–30 $.
Taksama za 200 dalaraŭ ZŠA možna nabyć kamplekt miedaloŭ čempijanatu RB z zubrom i Pahoniaj.
Zrazumieła, što pavyšeńnie cen u razy raźličanaje na kalekcyjanieraŭ-pačatkoŭcaŭ, jakija jašče nie raźbirajucca dobra ŭ roznaj drabiazie. Ale heta i pakazčyk taho, što cikavaść da pieryjadu 1991–1995 hoda raście ŭ našym hramadstvie.