Чатырохгадовы хлопчык загінуў на пажары, пакуль мама была ў грыбах
19.09.2013 / 10:52
На пажары ў вёсцы Чырвоны Бераг Жлобінскага раёна загінуў хлопчык 2009 года нараджэння, паведамілі ў прэс-службе Гомельскага абласнога ўпраўлення МНС.
Дзіця было дома адно. Маці пакінула яго спаць і пайшла ў лес у грыбы. Калі жанчына вярталася назад, то ўбачыла дым з хаты. Сусед дапамог знайсці хлопчыка ў задымленым доме і вынесці яго.
Аднак выратаваць малога не ўдалося. Медыкі канстатавалі смерць.