Правадніца везла 3000 таблетак «Феназепаму»
Мытнікі выявілі іх у цягніку Сімфэропаль—Рыга.
18.09.2007 / 12:24
Прадухілена незаконнае перамяшчэнне праз мяжу партыі псіхатропнага рэчыва.
Як паведамілі БелаПАН у Дзяржаўным камітэце пагранічных войскаў Беларусі, 15 верасня пры афармленні ў пункце пропуску "Беняконі-2" на беларуска-літоўскай мяжы пасажырскага цягніка "Сімферопаль—Рыга" ў міжстолевай прасторы аднаго з вагонаў пагранічным нарадам сумесна з супрацоўнікамі мытных органаў былі знойдзены 4 пакеты, ёмістасцю па 30 л кожны, у якіх знаходзіліся медыцынскія прэпараты -- 81 найменне. Сярод іх -- 65 упаковак (больш за 3.000 таблетак) актыўнага псіхатропнага рэчыва "Феназепам", забароненага да ўвозу і вывазу з тэрыторыі краіны.
У працэсе разбору высветлілася, што знойдзеныя медыцынскія прэпараты па просьбе невядомых асоб перавозіла праваднік, грамадзянка Літвы.
Кантрабандны груз на суму прыкладна 6,5 мільёнаў рублёў перададзены на мытню.