Pavieł Vinahradaŭ asudžany na 15 sutak
27.09.2013 / 20:01
Zatrymany ŭ Minsku lidar moładzievaha kryła hramadzianskaj kampanii «Havary praŭdu!» Pavieł Vinahradaŭ asudžany sudom Savieckaha rajona stalicy da 15 sutak aryštu.
Jak paviedamiła BiełaPAN žonka aktyvista Śviatłana Vinahradava, jon pryznany vinavatym pa artykule 23.34 Kodeksa ab administracyjnych pravaparušeńniach (parušeńnie paradku arhanizacyi abo praviadzieńnia masavaha mierapryjemstva abo pikietavańnia) .
Takoje rašeńnie vynies suddzia Kirył Pałulech.
Baćku Paŭła Vinahradava, zatrymanaha razam ź im, miarkujučy pa ŭsim, sudzić nie buduć i adpuściać. «Prynamsi, sa słoŭ milicyi», — skazała Śviatłana Vinahradava.