Andrej Pačobut vydaŭ knižku pra Łukašenku
Kniha hrodzienskaha žurnalista Andreja Pačobuta «Systema Biełaruś» vyjšła u vydaviectvie Editio na polskaj movie.
09.10.2013 / 10:38
Rp.pl
Prezientacyja knihi ŭ Varšavie pryznačanaja na 23 kastryčnika, ale ŭžo źjaviłasia pieršaja recenzija ŭ štodzionnaj haziecie «Rzeczpospolita» pad zahałoŭkam «Teatr Łukašenki».
Aŭtar recenzii piša, što kniha niečym nahadvaje papularny film «Miljanier z truščob»: «U 1994 hodzie zvyčajny viaskovy nastaŭnik Alaksandr Łukašenka zamiest miljona vyjhraŭ usiu krainu ŭ centry Jeŭropy. Z tych časoŭ śviet staŭ asacyjavać Biełaruś ź imiom adnaho čałavieka, jaki hulaje hałoŭnuju rolu ŭ samastojna stvoranym teatry».
Andrej Pačobut — žurnalist polskaj «Hazety Vyborčaj». U 2011-m hodzie sud pryznaŭ jaho vinavatym u «paklopie na prezidenta». Žurnalista pakarali tryma hadami pazbaŭleńnia voli z adterminoŭkaj na dva hady.
Jašče adnu kryminalnuju spravu, pra paŭtorny paklopie na kiraŭnika dziaržavy, zaviali na Pačobuta ŭletku 2012 hoda. U sakaviku 2013 hoda spravu spynili ŭ suviazi z adsutnaściu ŭ dziejańniach žurnalista składu złačynstva.