«Белмедпрэпараты» пабудуюць завод у Лідзе
Новае прадпрыемства, створанае на базе былога завода «Ізатрон», будзе выпускаць антыбіётыкі.
11.10.2013 / 09:55
Пра гэта паведаміла намеснік галоўнага інжынера РУП «Белмедпрэпараты» Наталля Сафронава.
Праект прадугледжвае стварэнне вытворчасці стэрыльна рассыпаных антыбіётыкаў з забяспечаннем высокага ўзроўню якасці прадукцыі ў адпаведнасці са стандартамі GMP. Новая вытворчасць прадугледжвае падзел вытворчасці β-лактамных антыбіётыкаў цэфаласпарынавага шэрагу і карбапенемаў.
На дадзены момант пад будаўніцтва завода выдзелены зямельны ўчастак, распрацоўваецца праектная дакументацыя. Рэалізаваць праект плануецца з прыцягненнем інвестара да 2015 года. Яго агульны кошт ацэньваецца ў 17,57 млн даляраў.