Zahinuŭ člen savieta respubliki, rektar viciebskaha ŭniviersiteta

Alaksandr Sałodkaŭ trapiŭ u avaryju.

14.10.2013 / 13:26

vsu.by

Ranicaj 14 kastryčnika słužbovaja «Hazel», u jakoj jechaŭ rektar, sutyknułasia z «Reno» i pierakuliłasia ŭ rajonie Krupak. Sałodkaŭ zahinuŭ.

Alaksandru Sałodkavu było 53 hady. Jon naradziŭsia ŭ Viciebsku. Doktar miedycynskich navuk. Z krasavika 2009 źjaŭlaŭsia rektaram Viciebskaha dziaržaŭnaha ŭniviersiteta imia Mašerava. Letaś jaho pryznali čałaviekam hoda na Viciebščynie.

25 krasavika 2010 jon staŭ deputatam Viciebskaha haradskoha Savieta deputataŭ. U vieraśni 2012 – členam savieta respubliki nacyjanalnaha schodu (vyłučaŭsia ad Biešankovickaha, Lepielskaha i Čašnickaha rajonaŭ). Pracavaŭ u pastajannaj kamisii pa adukacyi, navucy, kultury i sacyjalnym raźvićci.

SM