Pieršy skandał samita SND u Minsku: prezident Kyrhyzstana nie pryjedzie
23.10.2013 / 20:50
Pieršy vice-premjer Kyrhyzstana Džaamart Atarbajeŭ budzie pradstaŭlać krainu na pasiadžeńniach Vyšejšaha Jeŭrazijskaha ekanamičnaha savieta i Savieta kiraŭnikoŭ dziaržaŭ SND, jakija projduć u Minsku.
Pra heta paviedamlaje RIA Novosti sa spasyłkaj na adździeł infarmacyjnaha zabieśpiačeńnia aparatu ŭrada Kyrhyzstana.U pres-słužbie kiraŭnika kirhizskaj dziaržavy nie rastłumačyli pryčynu adsutnaści prezidenta Ałmaźbieka Atambajeva na samitach u Minsku, rastłumačyŭšy tolki, što Atarbajeŭ užo raniej pradstaŭlaŭ Kyrhyzstan na śniežańskim pasiadžeńni kiraŭnikoŭ dziaržaŭ SND u Ašchabadzie.
Nahadajem, u krasaviku 2010 hoda ŭ Kyrhyzstanie adbyŭsia dziaržaŭny pieravarot. Kurmanbiek Bakijeŭ ź nieaficyjnaj žonkaj i dvuma dziećmi pryjechaŭ u Biełaruś pa asabistym zaprašeńni Alaksandra Łukašenki. Pavodle nieaficyjnaj infarmacyi, u žniŭni taho ž hoda jon atrymaŭ biełaruskaje hramadzianstva.
Novyja ŭłady Kyrhyzstana nieadnarazova źviartalisia ŭ Hienprakuraturu Biełarusi z prośbaj ab vydačy Bakijeva, ale atrymlivali admovu. Pavodle mierkavańnia biełaruskaha boku, pravavych padstaŭ dla zadavalnieńnia prośby ab vydačy Bakijeva niama.