У Канадзе павіншавалі дзяячку беларускай эміграцыі Вольгу Грыцук з 90-годдзем
Гэтымі днямі споўнілася 90 гадоў Вользе Грыцук — адной з актыўных дзяячак беларускага руху ў Канадзе.
04.11.2013 / 11:00
Муж спадарыні Вольгі, Аляксей Грыцук, быў выбітнай асобай беларускай дыяспары: гісторыкам, літаратуразнаўцам, настаўнікам, старшынёй Згуртавання беларусаў Канады.
Валянціна Шаўчэнка, Віялета Кавалёва, Юльяна Грыцук, Наталля Колас і Юрка Шаўчэнка. У цэнтры – Вольга Грыцук
Сама Вольга Грыцук выступіла адной з заснавальніцаў Згуртавання беларускіх жанчын Канады, а потым узначальвала гэтую арганізацыю 18 гадоў.
2 лістапада 2013 сябры Галоўнай управы ЗБК і Рады парафіі св. Кірылы Тураўскага наведалі спадарыню Вольгу ў Кінгстане (правінцыя Антарыа), дзе яна жыве з сям’ёй дачкі Юльяны. Вольга Грыцук, якая сама родам з Дзісны, шмат расказвала пра гісторыю жыцця яе сям’і на Радзіме і потым у эміграцыі, пра знаёмства з будучым мужам у Аўстрыі, пра іх супольнае жыццё ў Канадзе.
Госці цёпла павіншавалі спадарыню Вольгу з 90-годдзем, пажадаўшы ёй здароўя і доўгіх год жыцця.