Баўмгертнеру ў Расіі пагражае да 10 гадоў турмы
05.11.2013 / 12:42
Гендырэктару расійскай кампаніі «Уралкалій» Уладзіславу Баўмгертнеру, які абвінавачваецца ў арганізацыі махлярскай схемы, якая нанесла страты бюджэтам Расіі і Беларусі, пагражае 10 гадоў турмы, паведамляе «Інтэрфакс» са спасылкай на крыніцу.
Басманны суд Масквы завочна прад'явіў Баўмгертнеру абвінавачванне па ч. 3 арт. 33, ч. 2 арт. 201 КК Расіі (злоўжыванне паўнамоцтвамі). Раней паведамлялася, што Следчы камітэт Расіі рыхтуе дакументы аб экстрадыцыі гендырэктара «Уралкалія».
Уладзіслаў Баўмгертнер быў арыштаваны 26 жніўня ў Мінску і змешчаны ў СІЗА КДБ. Ад 26 верасня знаходзіцца пад хатнім арыштам на здымнай кватэры ў Мінску.