Tut.by таксама трапіў пад DDoS-атаку

Пра гэта паведамляецца ў афіцыйным твітары партала:

15.11.2013 / 21:10

«Адбіліся пасля DDoS-атакі! Пакуль усё не так ідэальна, часова закрылі знешні трафік на партал. Прыносім свае прабачэнні».

Паколькі атака ідзе з-за мяжы, закрыццё замежнага трафіку дазволіла ўтрымаць партал у працоўным стане. Ён даступны карыстальнікам з Беларусі. Зазначаецца, што DDoS-атака была з 16.30 да 18.25, паведамляе Еўрарадыё.

7 лістапада пад DDoS трапіў Анлайнер, а ўчора, 14 лістапада, Радыё Свабода.