Apazicyja ŭ Radzie sustreła Azarava krykami «Hańba!»

Apazicyjnyja partyi Ukrainy sustreli premjer-ministra krainy Mikałaja Azarava, jaki prybyŭ na pasiadžeńnie Viarchoŭnaj rady, krykami «Hańba!», paviedamlaje UNIAN.

22.11.2013 / 12:50

Pasiadžeńnie Rady pačałosia sa spaźnieńniem na 10 chvilin. Paśla prybyćcia Azarava niekalki deputataŭ ad frakcyi «Baťkivŝina» eks -premjera krainy Julii Cimašenka padyšli da łožy ŭrada i pačali rasściłać ściahi ES na pracoŭnych miescach Azarava, pieršaha vice-premjer-ministra Ukrainy Siarhieja Arbuzava i vice-premjer-ministra Juryja Bojki. Čalcy ŭrada źniali hetyja ściahi.

Deputaty ad frakcyi kiroŭnaj Partyi rehijonaŭ zaniali miescy la ŭradavaj łožy, kab nie puścić da jaje apazicyjanieraŭ. Azaraŭ pačaŭ vystup z tłumačeńnia pryčyn prypynieńnia padrychtoŭki pahadnieńnia ab asacyjacyi ź ES.