У Мінску сутыкнуліся 6 аўтамабіляў: 4 чалавек шпіталізаваны — фота
02.12.2013 / 19:58
Фота tatashka615.
Маштабная аварыя з удзелам 4 легкавых і двух грузавых аўтамабіляў адбылася на скрыжаванні сталічных вуліц Акадэмічнай і Батанічнай днём 2 снежня, паведамляе Аuto.tut.by.
«Кіроўца Opel Astra з сям'ёй — жонкай і дзіцём — ехаў па вуліцы Батанічнай у напрамку Акадэмічнай.
Перад святлафорам каля скрыжавання яго аўтамабіль пачатало выносіць на паласу сустрэчнага руху, дзе ў той момант ехаў грузавы ГАЗ.
Каб пазбегнуць сутыкнення, кіроўца Astra выкруціў руль управа і сутыкнуўся з Toyota RAV4, якая стаяла на святлафоры ў спадарожным кірунку.
Ад удару Opel вылецеў на сустрэчную, дзе ўсё ж сутыкнуўся з Газам, «Таёту» адкінула ў Ford Mondeo, затым — у фуру, Mondeo, у сваю чаргу, адляцеў у Mercedes, — расказала пра абставіны аварыі кіраўнік прэс-службы ДАІ Мінска Таццяна Харлінская.
У сутыкненні пацярпелі 4 чалавекі: кіроўцы Toyota RAV4 і Opel Astra, а таксама пасажыры Opel — жанчына і дзіця.