Pamior mastak Źmicier Ivanoŭski
06.12.2013 / 13:00
Učora ŭviečary, 5 śniežnia, pamior znany hrodzienski mastak Źmicier Ivanoŭski (nar. u 1957 h.).
Pavodle papiaredniaj infarmacyi, pryčynaj stali prablemy z sercam.
«Jon byŭ niezvyčajnym čałaviekam, spałučaŭ u sabie vydatnaha tvorcu i nieabyjakavaha hramadzianina, — kaža žurnalist Andrej Pačobut.
— Jahonyja karciny stanavilisia kłasikaj jak tolki źjaŭlalisia. Da taho ž jon mieŭ aktyŭnuju hramadskuju pazicyju — možna skazać, uznačaliŭ strajki pradprymalnikaŭ u 2000-ch.
Ludzi z rynkaŭ tady pryjšli da jaho, choć jon i nie mieŭ dačynieńnia da pradprymalnikaŭ, ale vyrašyŭ ich padtrymać. Jon pieražyŭ šmat aryštaŭ, jak tolki ŭ Hrodna adbyvałasia niejkaja akcyja, Źmitra sažali na sutki. Niejki čas tamu jon źjechaŭ na viosku. Jamu tam padabałasia. Tydzień tamu telefanavaŭ i zaprašaŭ jaho naviedać».
Karciny Źmitra Ivanoŭskaha stali častkaj historyi niezaležnaj Biełarusi.
«Jon šmat pracavaŭ na histaryčnyja temy, - kaža spadar Pačobut. – Stvaryŭ madel Fary Vitaŭta za chvilinu da vybuchu. Jahonaja karcina, stvoranaja pierad refierendumu, dzie staić chłopčyk ź bieł-čyrvona-biełym ściaham, tady prajšło pa ŭsich hazietach. Dla Hrodna heta vielmi vialikaja strata».