У Гомелі жорстка забілі таксіста
09.12.2013 / 11:13
У Гомелі знойдзена цела таксіста з колата-рэзанымі ранамі.
Аб гэтым паведаміла афіцыйны прадстаўнік Гомельскага абласнога ўпраўлення Следчага камітэта Марыя Крываногава.
Труп мужчыны ў нядзелю каля апоўначы быў знойдзены ля дарогі па вуліцы Давыдоўская.
На яго целе эксперты налічылі 10 колата-рэзаных ран. Непадалёк таксама быў знойдзены аўтамабіль забітага — «Опель-Амега».
Загінулы — 34-гадовы індывідуальны прадпрымальнік, які аказваў паслугі таксі. У нядзелю, 8 снежня, ён працаваў на маршруце.
Заведзена крымінальная справа. Вядзецца пошук забойцы.