Makkiejn: Rana ci pozna biełarusy vyzvalacca ad Łukašenki
16.12.2013 / 10:52
Upłyvovy amierykanski sienatar Džon Makkiejn, jaki znachodzicca va Ukrainie, u intervju «Ukrainskaj praŭdzie» zhadaŭ i Biełaruś.
Adkazvajučy na pytańnie, čamu ŭ Biełarusi ničoha nie atrymałasia ŭ baraćbie za svabodu i demakratyju ŭ adroźnieńnie ad Ukrainy spadar Makkiejn zajaviŭ:
«Łukašenka źjaŭlajecca najbolš brutalnym i hrubym dyktataram Jeŭropy, i rana ci pozna ludzi ŭ Biełarusi vyzvalacca ad jaho kiraŭnictva.
Ukraina — ž vialikaje, šmatkulturnaje, vielmi raznastajnaje hramadstva, z vysokaadukavanym nasielnictvam, sapraŭdy vialikaja kraina.
Ja dumaju, što Pucinu chaciełasia b utrymać Ukrainu ŭ rasijskaj arbicie bolš, čym lubuju inšuju krainu śvietu. Časta kažuć, što z Ukrainaj Rasija — heta zachodniaja vialikaja dziaržava, a biez Ukrainy — heta ŭschodniaja dziaržava».
Pra lidaraŭ ukrainskaj apazicyi Džon Makkiejn zajaviŭ:
«Ja atrymaŭ mocnaje ŭražańnie ad ich addanaści spravie, ad ich hatoŭnaści hrać lidarskuju rolu, ich patryjatyzmu i prychilnaści idei zrabić Ukrainu jeŭrapiejskaj nacyjaj».
Pavodle amierykanskaha sienatara vialiki cisk na Ukrainu robić kiraŭnictva Rasii:
«Pa-pieršaje, sapraŭdy niama nijakaha sumnievu, što Pucin vykarystoŭvaje nievierahodny cisk na ŭrad i narod Ukrainy. Ja nie vieru, što jamu ŭdasca prymusić Ukrainu dałučycca da jaho tak zvanaha Mytnaha sajuza. Ale nam treba akazać dapamohu Ukrainie z boku MVF, kab jana spraviłasia z surjoznymi finansavymi ciažkaściami.
ZŠA i Rasija supracoŭničajuć ŭ pytańni chimičnaj zbroi. Ale Rasija praciahvaje pastaŭlać zbroju Bašaru Asadu, jaki praciahvaje zabivać niavinnych dziaciej, žančyn i mužčyn u Siryi. I heta aburalna. Tam dzie my možam supracoŭničać z Rasijaj, nam varta supracoŭničać. Ale heta nijakim čynam nie pavinna źmianić našu padtrymku Ukrainy i taho, kab Ukraina stała jeŭrapiejskaj nacyjaj.
Ja dumaju, što situacyja va Ukrainie vyrašycca na praciahu bližejšych dzion».