Драматург з Мінска стаў лаўрэатам расійскай прэміі «Дэбют»
Дзмітрый Багаслаўскі стаў пераможцам конкурсу ў намінацыі «Драматургія» з п'есамі «Вонкавыя пабочныя» («Внешние побочные») і «Дзеўкі».
17.12.2013 / 10:30
Драматург нарадзіўся ў Мінску ў 1985 годзе. Ён скончыў Мінскі дзяржаўны каледж мастацтваў па спецыяльнасці «рэжысура», а потым Беларускую дзяржаўную акадэмію мастацтваў па той жа спецыяльнасці (2010).
Цяпер Багаслаўскі працуе акцёрам у Беларускім дзяржаўным моладзевым тэатры.
Ён адзін з арганізатараў Студыі альтэрнатыўнай драмы.
Прэмія «Дэбют», заснаваная Міжнародным фондам «Пакаленне». Яна прысуджаецца маладым аўтарам літаратурных твораў на рускай мове, незалежна ад месца іх пражывання.