Typovyja pamyłki z «Našaj Nivy» za śniežań — 2
19.12.2013 / 12:03
Štotydzień karektarka «Našaj Nivy» zapisvaje typovyja pamyłki, jakija jana vypraŭlała ŭ artykułach reparcioraŭ i pazaštatnych aŭtaraŭ. Štosierady hetuju padborku jana rassyłaje supracoŭnikam.
Takim čynam my starajemsia ŭźniać kulturu movy.
Prablema ŭ tym, što sa škoły i ŭniviera ludzi vychodziać ź nietryvałymi viedami biełaruskaj. Da taho ž, daminacyja rasiejskaj movy ŭ haradskim asiarodździ, na radyjo i TV błytaje ludziej. Davodzicca ŭvieś čas nahadvać praviły.
My padumali, što hetyja pamyłki mohuć być cikavyja i čytačam, jakija vučać movu ci lubiać movu. Heta ž typovyja vypadki.
Siońnia tut sabranyja pamyłki za apošni pa časie tydzień śniežnia.
Forma tłumačeńnia — minimalistyčnaja.
• Apošniaja redakcyja biełaruskaha pravapisu rekamienduje paźbiahać sufiksa -irava- ŭ dziejasłovach (i ich formach), dzie heta nie pryvodzić da straty sensu: butyłjavanaja vada (nie butyliravanaja);
• pientchaŭs;
• pacelić u jabłyčak (jabłyk – m.r.);
• podyum (jak i prezidyum, kansilium);
• hramadzianskaja pazicyja (maja pazicyja jak hramadzianina),
hramadskaje mierkavańnie (mierkavańnie hramadstva);
• pierformans;
• Ardžanikidze;
• hieroi Čempijanatu śvietu pa chakiei;
• aryjencir;
• vyniesie, vyvieduć (nie adbyvajecca jakańnie – je ŭ paślanacisknym składzie);
• dzieviaciarych;
• u biełaruskaj movie dziejasłovy hulać i ihrać, što adpaviadajuć adnoj formie ihrať u ruskaj movie, treba raźmiažoŭvać: možna ihrać rolu, ihrać na hitary, ihrać na niervach, ale hulać ź lalkaju, hulać u futboł, hulać viasielle.
Hladzi taksama Typovyja pamyłki z «Našaj Nivy» za listapad
Typovyja pamyłki z «Našaj Nivy» za śniežań — 1