Pad Hrodnam pjany kiroŭca ŭčyniŭ avaryju i paprasiŭ rasstralać jaho — fota i videa
19.12.2013 / 18:48
18 śniežnia ŭviečary ŭ vioscy Savoleŭka (Hrodzienski rajon) na roŭnym učastku darohi nie raźjechalisia «Falksvahien» i «Fijat».
Avaryju spravakavaŭ kiroŭca «Falksvahiena» — hramadzianin Kazachstana, jaki pražyvaje ŭ Biełarusi, paviedamlaje sajt DAI Hrodna i Hrodzienskaj vobłaści.
Vidavočcy śćviardžajuć, što aŭtamabil vinoŭnika avaryi nie vyniesła na sustrečnuju raptoŭna, a jon prosta ruchaŭsia pa joj. Pryčyna vyśvietliłasia paźniej — kiroŭca «Holfa» byŭ nieadekvatny z-za ŭžytaha ałkaholu.
Jon byŭ nastolki ahresiŭny, što kiroŭcam-vidavočcam daviałosia jaho źviazać.
U vyniku avaryi mužčyna nie atrymaŭ ni adnoj drapiny, čaho nie skažaš pra kiroŭcu «Fijata». Ź pierałomami rebraŭ, hrudziny i inšymi traŭmami jaho špitalizavali.
Paźniej «hieroj» staŭ prychodzić u siabie, u budynku DAI jon paprasiŭ list papiery i napisaŭ zajavu, dzie pryznaŭ niebiaśpieku svaich pavodzin, pryčynaj jakich pasłužyli składanyja adnosiny ź jaho kachanaj.
A taksama paprasiŭ prymianić da jaho vyšejšuju mieru pakarańnia.
Dakumient dałučany da materyjałaŭ pravierki pa dadzienym fakcie.