U Andreja Dźmitryjeva naradziŭsia syn
23.12.2013 / 17:05
U palityka Andreja Dźmitryjeva naradziŭsia druhi syn, jaho nazvali Fiodaram.
«Heta najlepšy dla mianie padarunak na Kalady i Novy hod, — kaža spadar Andrej. — Žonka adčuvaje siabie dobra, jana ŭvohule małajčynka. Naradziŭsia chłopčyk, važyć 3200, rost — 52 santymietry».
Imia dla syna baćki taksama paśpieli vybrać — Fiodar.
«Nam prosta vielmi padabajecca heta imia, — kaža spadar Andrej. — Kaniešnie, byli varyjanty, dziaciej nazyvajuć u honar svajakoŭ, viadomych ludziej. Adnak pieršaha syna my ŭžo nazvali Uładzimiram, i jon taki, sapraŭdny Uładzimir, naporysty. Tamu nazyvać druhoha syna Alaksandram ci Viktaram my nie stali — vyrašyli, što heta budzie zanadta, nazvali Fiodaram, chaj budzie ŭdumlivym».