«Adzin doma 2» — upieršyniu pa-biełarusku
07.01.2014 / 11:37
Supołka Futubela Crew padrychtavała kaladny padarunak dla amataraŭ kino, pierakłaŭšy kamiedyju «Adzin doma-2».
Samy maleńki hieroj Amieryki na navahodnija śviaty hetym razam apynajecca ŭ Ńju-Jorku. U jaho dastatkova hrošaj i kredytnych kartak, kab pieratvaryć Vialiki Jabłyk u placoŭku dla hulniaŭ. Jahonyja znajomcy — žuliki Hery i Marv — źbiehli z turmy i taksama apynulisia ŭ Ńju-Jorku. Novyja pastki ŭžo čakajuć bandytaŭ… Film možna pahladzieć tut
«My chacieli zrabić padarunak hledačam da Novaha hoda i Kaladaŭ, — raskazvajuć pradstaŭniki supołki. — Na pieršuju častku było šmat stanoŭčych vodhukaŭ, jana razyšłasia paśpiachova — u sacyjalnych sietkach, na torentach, dobra kuplali i vydańnie na DVD».
Na Zachadzie prahlad sieryi filmaŭ «Adzin doma» staŭ kaladnaj tradycyjaj.
«Vielmi chaciełasia b, kab u nas źjaviłasia svaja dobraja Kaladnaja kłasika, — kažuć pierakładčyki. — Spadziajemsia, heta čakaje nas u budučyni. My budziem dalej zajmacca pierakładami».