Na vychodnych narešcie pačniecca zima: mokry śnieh i zavirucha
Ad paniadziełka čakajecca ŭzmacnieńnie marazoŭ da -10 hradusaŭ.
08.01.2014 / 10:38
«Atłantyčnyja cykłony, jakija jašče na pačatku zimy pierakryli dostup chałodnamu pavietru z Arktyki, u kancy tydnia biaruć pierapynak. Atłantyčny cykłon projdzie ŭ piatnicu pa siarednich šyrotach, a nastupny zatrymajecca ŭ Atłantycy. Hetym skarystajecca chałodnaje arktyčnaje pavietra — ustanovicca zimovy charaktar nadvorja», — kaža načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
U subotu 11 studzienia na bolšaj terytoryi śnieh, mokry śnieh, miescami mocny, zavirucha, na darohach hałaledzica.
Na paŭdniovym zachadzie mokry śnieh i doždž, słaby hałalod. Viecier paryvami da 15-20 m/s. Tempieratura pavietra ad -5 da +2 hradusaŭ na poŭdni.
U niadzielu 12 studzienia taksama śnieh i mokry śnieh, tempieratura pavietra źnizicca da -3…-9, na poŭdni kala 0 hradusaŭ.
Ad paniadziełka čakajecca ŭzmacnieńnie marazoŭ.
Unačy -5…-11, padčas prajaśnieńniaŭ da -15, udzień -3…-8, miescami da -10. Karotkačasovy śnieh, na darohach hałalodzica.