Лоеўскія пацаны каталі дзяўчат у багажніку «Таёты» - відэа
10.01.2014 / 14:11
У тры гадзіны ночы гомельскі патруль ДПС спыніў аўтамабіль «Таёта», поўны маладых людзей.
Калі кампанія выйшла з машыны, па пасадцы аўтамабіля было відаць, што багажнік моцна перагружаны.
Як паведамляюць ва УДАІ УУС Гомельскага аблвыканкама,
маладыя людзі рагаталі і неахвотна пачалі адчыняць багажнік. Але ён не адчыняўся. Аказалася, што ў ім знаходзіліся дзве дзяўчыны.
Пазней высветлілася, што хлопцы, жыхары аднаго з населеных пунктаў Лоеўскага раёна,
вырашылі ноччу пракаціцца ў абласны цэнтр, але ўсім месцы ў салоне аўтамабіля не знайшлося, і «галантныя» кавалеры вырашылі даставіць дзяўчат у горад у багажніку.
Кіроўца « Таёты » быў прыцягнуты супрацоўнікамі ДАІ да адміністрацыйнай адказнасці па ч.5 арт.18.14 КаАП РБ за парушэнне правілаў перавозкі пасажыраў.
У УДАІ УУС Гомельскай вобласці адзначылі, што такая
паездка магла скончыцца для дзяўчат намнога горш, бо ў багажны адсек трапляюць выхлапныя газы,
а прытоку свежага паветра ў ім няма.