Zviaram uklučyli aciapleńnie ŭčora, ludziam, moža, uklučać na nastupnym tydni
9 kastryčnika ŭklučyli aciapleńnie ŭ šerahu sacyjalnych ustanoŭ, łaźniach, basejnach, pasolstvach, a taksama ŭ mienskim zaaparku. Uklučyć aciapleńnie ŭ kvaterach biełarusaŭ pakul nie dazvalaje narmatyŭ: na vulicy na 0,6 hradusaŭ ciaplej, čym treba.
10.10.2007 / 09:28
U Minsku z siońniašniaha dnia ŭklučana aciapleńnie ŭ šerahu sacyjalnych ustanoŭ. Adpaviednaje rasparadžeńnie padpisaŭ staršynia Minharvykankama Michaił Paŭłaŭ.
Ciapło pastupiła ŭ dziciačyja daškolnyja ŭstanovy, škoły, lačebna‑prafiłaktyčnyja ŭstanovy, dziciačyja damy, spalnyja karpusy škoł‑internataŭ. Akramia taho, aciapleńnie ŭklučana ŭ internatach prafiesijna‑techničnych vučylišč, u damach sastarełych, ahulnadastupnych łaźniach, basiejnach, ustanovach adukacyi «Biełaruski dziaržaŭny chareahrafičny kaledž», «Minskaje dziaržaŭnaje muzyčnaje vučylišča imia M.I.Hlinki», va ŭstanovach dypłamatyčnych pradstaŭnictvaŭ, archivach, muziejach, bibłijatekach, a taksama ŭ Minskim zaaparku.
Zhodna z rasparadžeńniem staršyni harvykankama, uklučeńnie aciapleńnia buduć pravodzić pa ŭzhadnieńniu z ciepłazabieśpiačalnymi arhanizacyjami pry najaŭnaści pašpartoŭ hatoŭnaści. Na čas uklučeńnia aciapleńnia kiraŭnikam ustanoŭ daručana arhanizavać dziažurstva piersanału.
U Biełarusi ŭklučeńnie aciapleńnia ŭ žyłym siektary moža pačacca na nastupnym tydni. Ab hetym paviedamiŭ viadučy inžynier pradpryjemstva «ADU» DVA «Biełenierha» Uładzimir Karduba.
Rašeńnie ab uklučeńni aciapleńnia prymajuć miascovyja orhany ŭłady zychodziačy z tempieratury znadvornaha pavietra — na praciahu piaci sutak siaredniaja tempieratura pavinna być 8 hradusaŭ ciapła i nižej. Pakul jana nie dasiahnuła takoj adznaki i ŭ pačatku biahučaha tydnia skłała 8,6 hradusa. Adnak da kanca tydnia jana moža panizicca, i pačniecca paetapnaje ŭklučeńnie aciapleńnia ŭ damach. Na ab’iektach sacyjalnaj sfiery heta adbudziecca raniej.
Štohod u Biełarusi vypracoŭvajecca kala 70 młn. Hkał ciepłavoj enierhii. U tym liku 35,6 młn. Hkał — krynicami «Biełenierha».
Uładzimir Karduba adznačyŭ, što da novaha aciaplalnaha siezona jość nieabchodnyja zapasy paliva. Naprykład, topačnaha mazutu — bolš za 427 tys.t pry płanie na 1 kastryčnika 400 tys.t. Vykanana zadańnie i pa zapasie droŭ — 67 tys.t.