Hełap: Žadańnie emihravać siarod biełarusaŭ raście
17.01.2014 / 15:45
Pavodle apytańniaŭ, praviedzienych sacyjałahičnaj słužbaj Hełap u 2010-2012 hh. u 154 krainach, 13% suśvietnaha nasielnictva choča pakinuć krainu svajho stałaha pražyvańnia i pierajechać žyć u inšuju.
Hełap vyznačyŭ svoj «indeks čystaj patencyjalnaj mihracyi», adymajučy ad kolkaści ludziej, jakija chacieli b u dadzienuju krainu pierajechać, kolkaść ludziej, jakija vykazvali achvotu hetuju krainu pakinuć, i dzielačy hety vynik praz kolkaść nasielnictva ŭ krainie.
Takim čynam, zhadany indeks maje dla adnych krainaŭ admoŭnuju vartaść (bolš ludziej choča z krainy emihravać, čym pierajechać u jaje), a dla inšych — stanoŭčuju (siudy ludzi chočuć pierajaždžać).
Hety indeks dla Biełarusi roŭny −14%. Padčas papiaredniaha padobnaha apytańnia, praviedzienaha Hełapam u 2007-2009 hh., indeks dla Biełarusi byŭ roŭny −11%. Heta aznačaje, što žadańnie emihravać siarod biełarusaŭ pamiž hetymi apytańniami vyrasła jak minimum na 3%.
Dla paraŭnańnia, pryvodzim vartaści hetych indeksaŭ dla niekatorych inšych eŭrapiejskich krainaŭ (u dužkach padadzieny indeks, vyznačany ŭ apytańni 2007-2009 hh.).
Šviejcaryja 136% (150%)
Šviecyja 68% (78%)
Narviehija 65% (36%)
Vialikabrytanija 53% (62%)
Hiermanija 23% (14%)
Rasija -9% (-7%)
Polšča -14% (-15%)
Łatvija -20% (-22%)
Litva -23% (-17%)
Ukraina -20% (-20%)
Vuhorščyna -20% (-15%)
Rumynija -27% (-21%)