Януковіч прыняў Клічко, патэлефанаваў Яцанюку і прапанаваў круглы стол з апазіцыяй
19.01.2014 / 23:31
Лідар фракцыі «Бацькаўшчына» ў Вярхоўнай Радзе Арсень Яцанюк абвясціў са сцэны Майдана, што толькі што яму патэлефанаваў прэзідэнт Украіны Віктар Януковіч і прапанаваў заўтра правесці перамовы ў фармаце «круглага стала».
Па словах Яцанюка, пасля Януковіча яму патэлефанаваў сакратар РНБА Андрэй Клюеў.
«Хутчэй за ўсё, менавіта Клюеў і будзе на месцы Лёвачкіна (былога кіраўніка Адміністрацыі). Менавіта Клюеў адказвае за гэтыя перамовы», — напісаў на сваёй старонцы ў Facebook народны дэпутат ад Бацькаўшчыны Аляксандр Брыгінец.
Паралельна іншы лідар апазіцыі Віталь Клічко правёў перамовы ў рэзідэнцыі Януковіча Міжгор'е.