Vypadak u hipiermarkiecie: u dziaŭčyny z kamiery zachoŭvańnia ściahnuli boty i kałhotki
05.02.2014 / 12:58
Achviaraj złamyśnika stała dziaŭčyna, jakaja pakinuła papiarednija pakupki — boty, błuzku, kałhotki — u kamiery zachoŭvańnia adnaho sa staličnych hipiermarkietaŭ. Viarnuŭšysia ž paśla naviedvańnia handlovaj zały, paciarpiełaja pabačyła pustuju jačejku…
Apieratyŭnikami addzieła kryminalnaha vyšuku Frunzienskaha RUUS stalicy sumiesna z supracoŭnikami słužby biaśpieki supiermarkieta byli prahledžanyja zapisy z kamier videanazirańnia.
Vyśvietliłasia, što nieviadomy mužčyna ciaham niekalkich chvilin sprabavaŭ adčynić jačejki kamiery zachoŭvańnia adviortkaj i klučom. Dabiŭšysia ž svajho, nieznajomy razam z pakietam paciarpiełaj pakupnicy syšoŭ.
Kali vy paznali čałavieka na skrynšocie, prośba źviarnucca ŭ Frunzienskaje RUUS Minska asabista abo pa telefonach: (017) 208-76-47, (017) 252-02-02 albo pa śpieclinii «102».