Typovyja pamyłki z «Našaj Nivy» za luty — 1
07.02.2014 / 12:18
Štotydzień karektarka «Našaj Nivy» zapisvaje typovyja pamyłki, jakija jana vypraŭlała ŭ artykułach reparcioraŭ i pazaštatnych aŭtaraŭ. Štosierady hetuju padborku jana rassyłaje supracoŭnikam.
Takim čynam my starajemsia ŭźniać kulturu movy.
Prablema ŭ tym, što sa škoły i ŭniviera ludzi vychodziać ź nietryvałymi viedami biełaruskaj. Da taho ž, daminacyja rasiejskaj movy ŭ haradskim asiarodździ, na radyjo i TV błytaje ludziej. Davodzicca ŭvieś čas nahadvać praviły.
My padumali, što hetyja pamyłki mohuć być cikavyja i čytačam, jakija vučać movu ci lubiać movu. Heta ž typovyja vypadki.
Forma tłumačeńnia — minimalistyčnaja.
vObłaść – abłascJej, cEch – cEchaŭ, miedAl – miedałJoŭ;
bajavík – bajevikí (tolki ŭ pieršym składzie pierad naciskam je pierachodzić u ja);
karotkamietrAžka, pa chronamietražY (u pieršaj častcy składanaha słova pišam o, bo nacisk u druhoj častcy nie na pieršym składzie);
daJom – dajacJe (kali nacisk u mn.ł. 1-j asoby (my) ciap.času padaje na kančatak, to i ŭ 2-j as. (vy) nacisk taksama na kančatku: biarOm – bieracJe, idzJom – idziacJe);
padyšli (kali prystaŭka na zyčny, to i karaniovaje pierachodzić u y, paśla prystaŭki na hałosny – u j: abyšoŭ – pajšoŭ);
Łahojskaha traktu, mieniedžmientu, piersanału;
teatra absurdu (nazoŭniki, što abaznačajuć abstraktnyja paniaćci, u rodnym skłonie adzinočnaha liku prymajuć kančatak -u);
lubopytnoj Varvarie nos otorvali (ras.) — cikaŭnaj Amili nos pryščamili, cikaŭnaja Tekla palezie i ŭ piekła, cikavy, jak Marcin da kavy;
lubiš kataťsia — lubi i sanočki voziť (ras.) — lubiŭ całavać, lubi i [dzicia] hadavać, lubiš haściavać — lubi i haściej vitać, lubiš jeździć, lubi i sanački ciahać (bieł.).
Hladzi taksama
Typovyja pamyłki z «Našaj Nivy» za listapad
Typovyja pamyłki z «Našaj Nivy» za śniežań — 1
Typovyja pamyłki z «Našaj Nivy» za śniežań — 2
Typovyja pamyłki z «Našaj Nivy» za studzień — 1
Typovyja pamyłki z «Našaj Nivy» za studzień — 2