Aršanskija pradprymalniki abiacajuć uznaharodu za złoŭ Janukoviča
Pradprymalniki abviaścili biesprecedentnuju akcyju pa pošuku byłoha prezidenta Ukrainy.
28.02.2014 / 10:03
Na staroncy meblevaha sałona «Miebiel S» u sacyjalnaj sietcy «Vkontaktie» źjaviłasia paviedamleńnie ab padarunku tamu, chto złović Viktara Janukoviča.
«Złavicie Viktara Janukoviča i atrymajecie ŭ padarunak spalny harnitur «Jeŭropa 9» z matracam, dastaŭka da padjezda biaspłatna. Śpiašajciesia, prapanova abmiežavanaja», — havorycca ŭ im.
Uličvajučy apošniuju frazu paviedamleńnia, možna zrazumieć, što bolš čym adnaho Viktara Janukoviča sałon mebli apłacić padarunkami nie hatovy.
Nahadajem, učora ŭ raspaŭsiudžanaj rasiejskimi infarmahienctvami zajavie Janukovič nazvaŭ siabie adzinym lehitymnym prezidentam Ukrainy. Paśla ŭciokaŭ byłoha prezidenta z Kijeva i admovy vykonvać mirnyja damoŭlenaści Viarchoŭnaja Rada Ukrainy, jakaja pierajšła pad kantrol apazicyi, abviaściła ab jaho adchileńni ad pasady. Zhodna z rašeńniem Rady, vykanaŭcam abaviazkaŭ prezidenta krainy staŭ Alaksandr Turčynaŭ. Daterminovyja prezidenckija vybary parłamient pryznačyŭ na 25 maja.