Na Lipkoviča zaviali spravu za raspalvańnie vohnišča ŭ zabaronienym miescy
28.02.2014 / 14:19
Jak stała viadoma «Našaj Nivie», RUUS Pieršamajskaha rajona Minska zaviało na błohiera Jaŭhiena Lipkoviča spravu ab administracyjnym pravaparušeńni za raspalvańnie vohniščaŭ u zabaronienym miescy.
Mužčyna, što pradstaviŭsia ŭčastkovym RUUS Pieršamajskaha rajona Minska, sprabavaŭ vyklikać pa telefonie žurnalista «NN», jaki aśviatlaŭ akcyju Lipkoviča, na dopyt u jakaści śviedki.
Nahadajem, što Jaŭhien Lipkovič spaliŭ u aŭtorak u Sievastopalskim parku knihu rasijskaha fantasta Siarhieja Łukjanienki ŭ znak pratestu suprać vykazvańniaŭ Łukjanienki pra padziei va Ukrainie i zabaronu pierakładać svaje knihi na ŭkrainskuju movu.
Artykuł 15.58 «Raspalvańnie vohniščaŭ u zabaronienych miescach» Kodeksa ab administratyŭnych pravaparušeńniach praduhledžvaje pakarańnie ŭ vyhladzie papiaredžvańnia ci štrafu da 12 bazavych vieličyniaŭ (1 560 000 rubloŭ).