Hienierał Kazłoŭski: Rašeńnie Rasii pra ŭvod vojskaŭ pravilnaje
Hienierał-pałkoŭnik, eks-ministr abarony Biełarusi Pavieł Kazłoŭski vykazaŭsia pra situacyju z Ukrainaj i rašeńnie pra ŭvod rasijskich vojskaŭ:
03.03.2014 / 10:57
— Ja dumaju, što rašeńnie pryniataje pravilnaje. Treba zabiaśpiečyć abaronu hramadzian, jakija siońnia padviarhajucca strašnamu hvałtu fašystaŭ. Jakija tudy navat nie pryjšli, a źbirajucca iści, jak pakazvajuć pa telebačańni. Tamu liču, što heta pravamiernaje rašeńnie Rasii. Inšaja sprava, ci budzie vajna? Ale heta zaležyć ad tych ža banderaŭcaŭ, ci zmoža razzbroić ich kijeŭskaja ŭłada. Razzbroić, pastavić ich na miesca, a potym spakojna damaŭlacca. U toj ža čas mienavita ŭžo dysłakavanyja ŭ Krymie častki Čarnamorskaha fłotu RF pavinnyja nie dapuścić krovapralićcia ludziej, jakija prosiać abarony ŭ Rasii. Heta ŭsio pravilna. Ale tut Abama zajavy robić… Čaho jon siudy lezie? Kolki zakonaŭ pierastupiła Amieryka, źniščajučy ludziej u Iraku, Juhasłavii? Pra heta nichto nie kaža. Tak što ŭsio robicca pravilna — maja acenka takaja.