Pucin pakinie Krym razam z bazami ČF RF — praroctva Fiłareta
05.03.2014 / 09:41
Pradstajaciel Ukrainskaj pravasłaŭnaj carkvy Kijeŭskaha patryjarchata (UPC KP) Fiłaret pierakanany, što rasijskija vojski nieŭzabavie syduć z Kryma.
Pra heta jon zajaviŭ u kamientary karespandentu Gazeta.ua.
U pryvatnaści, patryjarch adznačyŭ, što carkva molicca, kab Haspodź dapamoh mirnym šlacham vyrašyć kanflikt na paŭvostravie.
«Haspodź mirnym šlacham vyrašyć hety kanflikt. Vy ž bačycie, čym zaviaršyŭsia kanflikt u Kijevie? Janukovič źbieh», — skazaŭ śviatar.
Pavodle jaho słoŭ, eks-prezident paciarpieŭ poŭnaje paražeńnie, kali ŭ carkvie pierastali malicca za jaho zdaroŭje.
«I syšoŭ tady, kali carkva spyniła malicca za ŭładu. Tak i tut budzie. Dla Boha niama ničoha niemahčymaha», — adznačyŭ Fiłaret.
Pa jaho pierakanańni, vojski prezidenta Rasii Uładzimira Pucina całkam syduć z Kryma.
«Jon zabiare svaje vojski, uklučajučy bazy ČF RF», — sprahnazavaŭ pradstajaciel UPC KP.
Adnačasova na ŭdakładniajučaje pytańnie, kali heta adbudziecca, jon adkazaŭ: «Heta tolki Bohu viadoma. Ale my dažyviom da hetaha momantu», — padkreśliŭ Fiłaret.