Нябесная сотня Майдану: Ад сутычак у Кіеве ўжо загінулі і памерлі 100 чалавек
06.03.2014 / 15:06
Міністэрства аховы здароўя Украіны паведамляе, што колькасць загінулых у сутыкненнях у цэнтры Кіева з 30 лістапада 2013 дасягнула 100 чалавек.
«У Кіеўскай гарадской клінічнай бальніцы №12 5 сакавіка памёр адзін чалавек, які з 28 лютага 2014 года знаходзіўся на лячэнні», — паведамляе Міністэрства аховы здароўя.
Ведамства не ўдакладняе зараз, колькі загінулых з боку актывістаў, а колькі — з боку сілавікоў (па апошніх афіцыйных звестках апошніх было 16 чалавек).