Biełarusaŭ sudziać, a movy nia viedajuć
23.10.2007 / 13:19
U aŭtorak Viarchoŭny sud Biełarusi pačaŭ razhlad skarhi na dziejańni Ministerstva justycyi, jakoje admoviłasia zarehistravać hramadzkaje pravaabarončaje abjadnańnie «Viasna».
Na sudovym pracesie pravaabaroncy zapatrabavali ad Ministerstva justycyi pradstavić dakumenty na biełaruskaj movie, a taksama vieści praces pa-biełarusku. U vyniku dla pierakładu dakumentaŭ sud pryznačyŭ termin da 25 kastryčnika. U hety dzień sudovy razhlad skarhi budzie praciahnuty.
Pravaabaroncy padali ŭ Minjust dakumenty na rehistracyju abjadnańnia 23 lipienia. 24 žniŭnia im admovili ŭ rehistracyi.
U «Viaśnie» zhurtavalisia biełaruskamoŭnyja pravaabaroncy, jakija baroniać usich, chto cierpić ad kryvasudździa. "Viasna" była ŭžo zarehistravanaja, ale jaje źlikvidavali ŭ 2002 hodzie, dačapiŭšysia da niejkich kručkoŭ.