Ва Ўкраіне абнародуюць справы раскулачаных
24.10.2007 / 23:26
Служба бясьпекі Ўкраіны (СБУ) плянуе абнародаваць архіўныя дакумэнты МУС СССР па так званых “справах аб раскулачваньні”. Аб гэтым паведаміла кіраўнік прэс-цэнтру СБУ Марына Астапенка. Паводле яе словаў, толькі ва Ўкраіне колькасьць пацярпелых ад раскулачваньня налічвае да 500 тысяч чалавек.
Спн. Астапенка заявіла, што дзяржаўны архіў павінен зрабіць адпаведнае дамаўленьне з Расеяй і Беларусьсю для вяртаньня ўсіх дакумэнтаў па Галадаморы і рэпрэсіях супраць украінцаў. Яна нагадала, што са свайго боку СБУ ўжо рассакрэціла ўсе архіўныя дакумэнты.