U Minsku školnik «zaminiravaŭ» susiedniuju škołu
21.03.2014 / 22:47
Supracoŭniki milicyi pa haračych śladach ustanavili asobu, jakaja paviedamiła ab nibyta zaminiravańni staličnaj škoły № 173 pa vulicy Hierasimienki, 48.
Vyśvietliłasia, što heta vučań susiedniaj škoły 1999 hoda naradžeńnia. Mienavita jon pazvaniŭ u słužbu milicyi «102» i paviedamiŭ ab padmannaj niebiaśpiecy. Pra heta havorycca ŭ paviedamleńni pres-słužby HUUS Minharvykankama.
21 sakavika ŭ 12.51 apierataru słužby milicyi «102» pa telefonie pastupiła paviedamleńnie ab «miniravańni» staličnaj škoły № 173. Na miesca prybyła sapiornaja hrupa. Z budynka i z prylehłaj terytoryi praviedziena evakuacyja prykładna 580 čałaviek.