Viciebskaja ipešnica zekanomiła 270 miljonaŭ rubloŭ
26.03.2014 / 11:46
Joj pradjaŭlena abvinavačańnie pa č. 2 art. 243 (uchileńnie ad vypłaty padatkaŭ i zboraŭ u asabliva bujnym pamiery) KK Biełarusi.
52-hadovaja viciablanka, jakaja viała indyvidualnuju pradprymalnickuju dziejnaść z siaredziny 2011 hoda, kala dvuch hadoŭ uchilałasia ad vypłaty padatkaŭ. Ahulnaja suma niedaatrymanych ad jaje padatkaŭ pieravysiła 270 miljonaŭ rubloŭ.
Pracujučy raniej na adno z pryvatnych pradpryjemstvaŭ Viciebska, jana zavałodała błankami tavarna-transpartnych nakładnych z adbitkam piačatki dadzienaha pradpryjemstva, a taksama skarystałasia piačatkaj i prastaviła adbitki na čystych arkušach papiery.
Paśla zvalnieńnia zarehistravałasia ŭ jakaści IP, vykarystała tavarna-transpartnyja nakładnyja z papiaredniaha miesca pracy, a taksama samastojna vyrabiła buchhałtarskija dakumienty, pavodle jakich nibyta nabyła tavarna-materyjalnyja kaštoŭnaści ŭ byłoha pracadaŭcy. Viadzieńnie «čornaj buchhałteryi» dazvoliła joj nieaficyjna nabyvać tavary ŭ Rasii dla realizacyi ŭ Biełarusi i ŭnosić zahadzia łžyvyja źviestki ŭ padatkovyja dekłaracyi.
Ciapier žančyna pakryvaje ŭron, naniesieny dziaržavie, u poŭnym abjomie.