Ukraina padniała ŭ nieba avijacyju — prachodziać maštabnyja vučeńni
28.03.2014 / 18:55
Vajenna-pavietranyja siły Ŭkrainy ładziać maštabnyja vajskovyja vučeńni. U nieba padniali 100 źniščalnikaŭ, 23 bambaviki, 39 šturmavikoŭ. Taksama zadziejničali 60 dyvizijonaŭ zenitna-rakietnych kompleksaŭ.
Kamandavać vučeńniami pryznačany hienerał-pałkoŭnik Jury Bajdak, havorycca ŭ paviedamleńni Minabarony Ŭkrainy.
U vučeńniach biaruć udzieł usie ŭkrainskija avijatary i zenitčyki.
Pavodle dadzienych 2014-ha hodu, na ŭzbrajeńni VPS Ukrainy znachodzicca:
- 100 źniščalnikaŭ «MiH-29» i «Su-27»
- 23 frantavyja bambaviki «Su-24M»
- 12 vyviednych samalotaŭ «Su-24M»
- 36 šturmavikoŭ «Su-25»
- 17 vajskova-transpartnych samalotaŭ «An-24B», «An-26», «An-30B», «Ił-6MD»
- 38 vučebna-bajavych źniščalnikaŭ «Ł-39»
- nienazvanaja kolkaść bieśpilotnych aparataŭ vytvorčaści SSSR i Izrailu
- 60 dyvizijonaŭ ZRK «Buk-M1», «S-300V1», «S-300PS».
Raniej Rasieja abviaściła pra jašče bolš maštabnyja vučeńni la miežaŭ Ukrainy. Na nastupnyja dva dni zaplanavana bahata vyletaŭ šturmavikoŭ.