Арганізатары «Чарнобыльскага шляху» заклікалі ўдзельнікаў памятаць пра тэмы акцыі і выкарыстоўваць толькі нацыянальную сімволіку
Сёння ў Мінгарвыканкам пададазеная заяўка на правядзенне Чарнобыльскага шляху
09.04.2014 / 16:03
9 красавіка ў Мінгарвыканкам пададзена заяўка на правядзенне 26 красавіка вулічнай акцыі «Чарнобыльскі шлях» у сувязі з чарговай гадавінай катастрофы на ЧАЭС.
У размове з журналістамі адзін з арганізатараў акцыі старшыня Партыі БНФ Аляксей Янукевіч сказаў: «Мы запрашаем да ўдзелу ў «Чарнобыльскім шляху» ўсіх ахвотных. Адзіная наша ўмова — памятаць пра тэму і мэты акцыі, якая пройдзе пад лозунгамі: ушаноўванне памяці ахвяр катастрофы на Чарнобыльскай АЭС, абарона Беларусі ад ядзернай небяспекі з боку Расіі, патрабаванне сапраўднай незалежнасці і свабоды для Беларусі. Нейкія іншыя тэмы мы заклікаем не закранаць, выкарыстоўваць падчас мерапрыемства толькі беларускую нацыянальную бел-чырвона-белую сімволіку».