Pieršy tydzień listapada ciopły

Unačy ad minus 1 da plus 5, a ŭdzień — ad 3 da 10 ciapła.

30.10.2007 / 12:59

U pieršyja dni łistapada — paviedamiŭ redakcyi načalnik słužby hidramieteaprahnozaŭ Respubłikanskaha hidramietcentra Dzmitryj Rabaŭ — miescami projduć daždžy. Unačy ad minus 1 da plus 5, a ŭdzień — ad 3 da 10 ciapła. Adnak užo na nastupnym tydni — mokry śnieh, davołi intensiŭnyja apadki čakajucca ŭ paŭdniova-ŭschodniaj pałovie krainy. Tempieratura pavietra da siaredziny łistapada budzie składać ad minus 4 da plus 2 hradusaŭ, miescami ŭ jasnyja i cichija nočy — da 5—7 marozu. Dzionnaja tempieratura ŭ pieršyja dva tydni miesiaca budzie vahacca ad 1 da 8 ciapła. U druhoj pałovie łistapada soniečnyja dni čaściej buduć čarhavacca ź pieryjadami pachmurnaha i daždžłivaha nadvorja. Čas ad času buduć naziracca daždžy i mokry śnieh. Tempieratura pavietra ŭnačy — ad minus 2 da plus 5 hradusaŭ, zamarazki buduć dasiahać minus 3—10 hradusaŭ. Tempieratura pavietra ŭdzień budzie hałoŭnym čynam ad 0 da plus 6.

Pavodle papiarednich prahnozaŭ ajčynnych sinoptykaŭ, siaredniaja tempieratura łistapada składzie minus 1,5 — plus 3 hradusy, što amal adpaviadaje kłimatyčnaj normie.